Audi-ն ներկայացրել է A3 «գերհզոր» սեդանը՝ 525 ձիաուժ հզորությամբ (լուսանկարներ)

Audi ընկերությունը ներկայացրել է 525 ձիաուժ հզորությամբ «գերհզոր» սեդանը, որն ստացել է A3 Clubsport quattro անվանումը: Ինչպես հայտնում է Motor.ru-ն՝ մոդելի նախատիպի հանրային դեբյուտը կկայանա Wörthersee թյունինգ-փառատոնում, որը կանցկացվի մայիսի 28-31-ը՝ ավստրիական Ռեյֆնից քաղաքի մոտակայքում:

Գերմանական մեքենաշինական ընկերության հետազոտությունների և վերամշակումների բաժնի ղեկավարի խոսքով՝ նորույթը ստեղծվել է «A3 մոդելի սպորտային ներուժի ցուցադրման համար: Ընկերության ինժեներները «գրեթե իդեալական են դարձրել մոդելի հզորությունը, դինամիկ հատկությունները, ձայնն ու դիզայնը»:

«Գերհզոր» լիաքարշակ սեդանը, որը կառուցվել է S3-ի թարմացված տարբերակի հիման վրա, զինված է 2.5 լիտր ծավալով 5 մխոցային տուրբո շարժիչով, որի հզորությունը հասցրել են 525 ձիաուժի: Շարժիչն ածխատում է S tronic 7 աստիճան ավտոմատացված փոխանցման տուփով՝ համալրված երկու հատուկ գծով:

Ամենահզոր A3 սեդանը, որի քաշը կազմում 1527 կգ, կարող է 100 կմ/ժամ արագությունը զարգացնել 3.6 վայրկյանում: Առավելագույն արագությունը 310 կմ/ժամ է: