Գիտնականները պատահաբար գերդիմացկուն նյութ են հայտնաբերել

Ամերիկացի գիտնականներին պատահաբար հաջողվել է նոր դասի ինքնավերականգնվող և գերդիմացկուն պոլիմերային նյութ ստանալ, որը կարող է օգտագործվել ավտոարդյունաբերության և էլեկտրոնիկայի արտադրության ոլորտում: Այս մասին հաղորդում է Росбалт.ru-ն՝ հղում կատարելով Zhelezyaka-ին:

Ի տարբերություն համանման նյութերի՝ նոր նյութն ավելի ցածր ինքնարժեք ունի և հասարակության համար առավել անվտանգ է:

IBM-ի մասնագետների ստացած արդյունքների համաձայն՝ պոլիմերն ավելի ամուր է, քան ոսկորը, կայուն է վնասվածքների հանդեպ և կարող է վերականգնել իր նախնական տեսքը:

Բացի այդ, այն հարմար է վերամշակման համար՝ պոլիմերը թթվային միացություններում տարանջատվում է ըստ բաղադրիչների, որոնցից այն սինթեզված է:

Նյութը ստացվել է պատահաբար՝ բժիշկ Ջենեթ Գարսիայի կողմից, ով ջերմակծկումային սինթեզի ժամանակ մոռացել է ավելացնել 3 բաղադրիչներից մեկը: