Մոլորակի լավագույն նոր երկնաքերները (լուսանկարներ)

Emporis կառույցների տվյալների միջազգային վերլուծական կազմակերպության վերջին գնահատումների արդյունքում աշխարհի լավագույն նոր երկնաքեր է ճանաչվել Լոնդոնի ապակեպատ Shard («Բեկոր») երկնաքերը:

Ինչպես տեղեկացնում է Business Insider-ը` իտալացի ճարտարապետ Ռոնցո Պիանոյի նախագծած կառույցը, որի բացումը տեղի է ունեցել անցյալ տարի, միջազգային փորձագետների խումբն ընտրել է ավելի քան 300 երկնաքերերից:

Նշենք, որ կառույցը սկզբում այնքան էլ չի արժանացել լոնդոնցիների հավանությանը: Վարկանշային աղյուսակի առաջին հորիզոնականում հայտնվելուն, սակայն, չի խանգարել նաև այն հանգամանքը, որ աշտարակի նորաբաց Shangri-La հյուրանոցում արտացոլքի պատճառով հնարավոր է տեսնել, թե ինչ է կատարվում հարևան սենյակներում:

1. SHARD

87-հարկանի «Բեկորի» բարձրությունը կազմում է 306 մետր: Այն այժմ ամենաբարձր կառույցն է Եվրամիության տարածքում:

2. DC TOWER 1

Վիեննայի էկոլոգիական կառույցը համալրված է ջրախնայող լոգասենյակներով և զուգարաններով: Այն Ավստրիայի ամենաբարձր շինությունն է:

3. SHERATON HUZHOU HOT SPRING RESORT

Չինաստանի շքեղ հյուրանոցային ռեզորթը` պայտաձև «Շերատոնը», 19000 լուսադիոդային լույսով է զինված, որոնք պայծառ վառվում են գիշերը:

4. CAYAN TOWER

Դուբայում գտնվող 80-հարկանի կառույցը միահյուսված տեսք ունի, ինչի շնորհիվ նվազում է քամու ազդեցությունը աշտարակի վրա:

5. ONE CENTRAL PARK EAST

Սիդնեյում գտնվող այս կառույցի յուրաքանչյուր հարկում ուղղահայաց այգի է աճեցվել: Այնտեղ տեղակայված են նաև ռեստորաններ, խանութներ:

6. FLAME TOWERS

Բաքվի ամենաբարձր երկնաքերը 188 մետր բարձրություն ունի:

7. MERCURY CITY

Մոսկվայի 75-հարկանի այս կառույցը նախագծված է այնպես, որ այնտեղ հնարավորինս քիչ ջուր և էլեկտրաէներգիա օգտագործվի հալոցքային ջրերը կուտակելու շնորհիվ: Այն Եվրոպայի ամենաբարձր կառույցն է:

8. ARDMORE RESIDENCE

Սինգապուրի բնակելի կառույցում կիրառվում են էներգիայի և ջրի օգտագործման արդյունավետ համակարգեր:

9. AZ TOWER

Չեխիայում գտնվող աշտարակը ներառում է գրասենյակներ և բնակելի տարածքներ:

10. TOUR CARPE DIEM

Ֆրանսիայում գտնվող կառույցն աշխատում է երկրաջերմային աղբյուրների հիման վրա և կայուն դիզայն ունի, որը ներառում է արևային ջրատաքացնող, լուսավորող համակարգեր:

10. NANFUNG COMMERCIAL

Չինաստանի հյուրընկալության և ցուցադրության համալիրը տարածքներ է տրամադրում ցուցադրությունների համար, ինչպես նաև՝ ներառում է 5-աստղանի հյուրանոցը` քաղաքի ամենամեծ պարահրապարակով: