Ֆրանսիայում հարձակման հետևանքով մահացել է Մոնակոյի ամենահարուստ կինը

12:33 • 21.05.14

Ֆրանսիայի Նիս քաղաքի հիվանդանոցում մահացել է Մոնակոյի ամենահարուստ ընտանիքի անդամ Էլեն Պաստորը։ 77-ամյա կինը ծանր վիրավորվել էր մայիսի 6-ին իր վրա իրականացված հարձակման ժամանակ, գրում է Вести-ն։

 

Անհայտ անձինք կրակել էին Պաստորի մեքենայի վրա՝ վիրավորելով նրան և վարորդին։ Կոմայում գտնվող կինը շտապ հոսպիտալացվել էր և գիտակցության եկել միայն մահից մի քանի օր առաջ։ Նրա վարորդը ստացած վնասվածքների հետևանքով մահացել էր դեպքից 4 օր անց։

 

Միջադեպի պատճառները դեռևս հայտնի չեն։
Էլեն Պաստորի ամուսինը՝ Կլոդ Պալանկան, Ռուսաստանում Մոնակոյի պատվավոր հյուպատոսն է։