Ժամանակին ստեղծված ամենատարօրինակ դիզայնով 10 ավտոմեքենան (լուսանկարներ)

Մեքենաշինական դիզայնի պատմությունը լի է ամենատարբեր էջերով` հանճարեղ մտքերով ու ոչ այնքան հաջողված գաղափարներով, սակայն այս ոլորտում օրեցօր ավելացող ու թարմացվող մտքերը մեկը մյուսի ետևից գերազանցում են անցյալ մոդելներին:

Ինչպես գրում է Business Insider-ը` ամենահամարձակ դիզայներական գաղափարներն իրականացվում են կոնցեպտային մեքենաների պարագայում, որոնք սահմանափակ քանակով են թողարկվում: Իր վերջին «Երազանքի մեքենաներ» ցուցադրության ժամանակ Ատլանտայի Բարձր արվեստի թանգարանը հավաքագրել է ամենագեղեցիկ, տարօրինակ ու արտառոց դիզայնով 10 կոնցեպտային մեքնենան` 1934-ի Bugatti-ի նախատիպից մինչև Porsche 918 հիբրիդային սուպերքարի վաղնջական նմանակը:

1936 Stout Scarab

Նախկինում օդանավի ինժեներ Ուիլյամ Ստաուտն, անցում կատարելով մեքենայի դիազայնի մշակմանը, իր առաջին քայլերն է արել այս ոլորտում` շքեղության և ազատության համադրությունը ներմուծելով տրանսպորտների դիզայնում: Նա ներկայացրել է Scarab մոդելը` զինված Ford V-8 շարժիչով` տեղադրված ալյումինե թափքի ետնամասում:

1942 Oeuf electrique

1942 Oeuf électrique-ը կամ «էլեկտրական ձուն» ուներ 3 անիվ և աշխատում էր մարտկոցներով, որից տասնամյակներ անց բենզինը դարձամ տրանսպորտի հիմնական վառելիքը, և որից տասնամյակներ անց Էլոն Մասկը կրկին սկսեց վերստեղծել էլեկտրոնային մեքենաները:

1947 Norman Timbs Special

1947 Norman Timbs Special հատուկ մոդելը յուրօրինակ է իր դիզայնով` առաջ եկած խցիկով և ետնամասում ջրի կաթիլի տեսքով:

1953 General Motors Firebird 1 XP-21

Ներկայիս սուպերքարերը նկարագրելու համար անհրաժեշտ է ետ գնալ ժամանակի ռեակտիվ կործանիչներին, ինչպիսին է General Motors-ի 1953-ին թողարկած Firebird I XP-21-ը, որն իսկապես ինքնաթիռ էր՝ 4 անիվի վրա և խցիկով: Այն զարգացնում էր ժամանակի համար աննախադեպ 370 ձիաուժ հզորություն:

1955 Chrysler (Ghia) Streamline X "Gilda"

1955-ի Chrysler (Ghia) Streamline X "Gilda"-ն, որն իր անունն ստացել է 1946-ի Rita Hayworth ֆիլմից, իր ռեակտիվ տուրբինային շարժիչի փոխարեն զինվում է սովորական 1.5 լիտր ծավալային շարժիչով:

1970 Ferrari (Pininfarina) 512 S Modulo

Pininfarina դիզայնի ստուդիան առավել հայտնի գործեր էլ է ունեցել, սակայն Ferrari 512 S Modulo մեքենան ևս առանձնացավ իր արտասովոր դիզայնով, որն ստեղծվել է 1970-ի Ժնևի ավտոսրահի համար:

2001 BMW GINA Light Visionary Model

2001-ին BMW-ի դիզայնի տնօրեն Քրիս Բենգլը ներկայացրել է GINA Light Visionary Model կոնցեպտը: Մեքենայի արտաքինը նա պատել էր պոլիուրեթանային կաղապարով, որը նորություն էր մեքենայի ժամանակի աերոդինամիկ կարիքների համար:

Porsche 918 Spyder Concept Car

Porsche 918 Spyder կոնցեպտային մեքենան գաղտնազերծվել է 2010-ին՝ Ժնևի ավտոսրահում, և սկիզբ դրել ներկայիս Porsche-ի հիբրիդային սուպերքարի արտադրությանը: Այն ներկայանում էր 500 ձիաուժ հզորությամբ 3.4 լիտր ծավալով V-8 շարժիչով:

1935 Bugatti Type 57S Competition Coupe Aerolithe

1935 Bugatti Type 57S Compétition Coupé Aerolithe մոդելի նախնական նմուշի դեբյուտը կայացել է Փարիզի ավտոսրահում, սակայն անուշադրության մատնվեց գազտնազերծումից կարճ ժամանակ անց: Դա բացատրվում է նրանով, որ Bugatti-ն այն մասերի բաժանեց Type 57 արտադրական մեքենայի թողարկման համար: Ցուցադրության հանված մոդելը պատրաստվել է 2007-ին` հիմնվելով ձայնագրությունների, նկարագրությունների և ժամանակին արված լուսանկարների վրա:

1932 Ford Speedster

1932 Ford Speedster մոդելը զինված է V-8 շարժիչով ստարտերի (մեքենայի մեկնասարք) կոճակով, որը հետագա տարիներին սովորական ավտոմոբիլային միտում դարձավ: