Իրանում ազատ են արձակել Happy տեսահոլովակի համար ձերբակալվածներին

12:19 • 22.05.14

Իրանում ազատ են արձակվել Ֆարել Ուիլյամսի հայտնի Happy երգի հիման վրա տեսահոլովակ նկարահանած անձինք, որոնք նախօրեին ձերբակալվել էին, հայտնում է HTB-ն: Ըստ որոշ տեղեկությունների՝ գրավի դիմաց։

 

Ըստ աղբյուրի՝ ձերբակալվածներին՝ երեք տղամարդու և երեք կնոջ, ազատ են արձակել Իրանի նախագահի միջամտությունից հետո: Հասան Ռոհանին Twitter-ում մասնավորապես գրել էր, որ երջանկությունն իրանցի ժողովրդի իրավունքն է և որ իրենք չպետք է կոշտ արձագանքեն այն պահվածքին, որն ուրախություն է պարգևում։

 

Իրանում իրավապահները հոլովակը վուլգար և հասարակական ողջախոհությունը ոտնահարող էին որակել։

 

Իրանում կատարվածին արձագանքել էր նաև ինքը՝ Ֆարել Ուիլիամսը: Նա սոցցանցում գրել էր, որ տխուր է, երբ մարդկանց ձերբակալում են երջանկություն տարածելու փորձի համար։