Իրանի նախագահը պաշտպանել է Happy երգի իրանական տեսահոլովակի նկարահանման համար ձերբակալված երիտասարդներին

10:36 • 22.05.14

Իրանի նախագահ Հասան Ռոհանին պաշտպանել է Իրանում Happy հանրահայտ երգի տեսահոլովակը նկարահանելու համար ձերբակալված երիտասարդներին, տեղեկացնում է gazeta.ru-ն։

 

«Երջանկությունը մեր ժողովրդի իրավունքն է։ Մենք չպետք է շատ խիստ վերաբերվենք երջանկությամբ պայմանավորված վարքագծին»,- գրել է Իրանի նախագահը Twitter-ի իր միկրոբլոգում։

 

Ավելի վաղ հաղորդվել էր, որ Happy we are from Tehran հոլովակում 6 երիտասարդներ, որոնք իրանական օրենքներով չեն հագնված, պարում են փողոցներում և Թեհրանի տանիքներին, ձերբակալվել են։
 

Տեղի իշխանություններն ավելի քան 40 հազար դիտում ունեցած հոլովակը «վուլգար» և հասարակական բարոյական նորմերին չհամապատասխանող էին որակել։