Զինված անձինք գրավել են «Վեստի» թերթի խմբագրությունը Կիևում
Զինված անձինք գրավել են ուկրաինական «Վեստի» թերթի խմբագրությունը Կիևում, հայտնում է gazeta.ru-ն՝ վկայակոչելով խմբագրի հայտարարությունը:
Ըստ խմբագրի՝ վերջին օրերին թերթի սեփականատեր «Մուլտիմեդիա ինվեստ գրուփն» աննախադեպ ճնշումների է ենթարկվել պետական մարմինների կողմից:
«Այսօր առավոտյան «Վեստի» թերթի խմբագրությունում «մասկի շոու» է սկսվել: Առանց որևէ փաստաթութղթ ներկայացնելու՝ մի խումբ անձինք ներխուժել են շենք ու արգելափակել այն՝ այնտեղ գտնվող բոլոր աշխատակիցներով հանդերձ: Կարելի է ենթադրել, որ խոսքը հարկային ոստիկանության կամ ՆԳՆ-ի մասին է», - հայտնում են խմբագրությունից:
Թերթը նման գործողությունները մամուլի վրա քաղաքական ճնշում է որակում:
Նշված թերթն աչքի է ընկել Ուկրաինայի գործող իշխանությունների հասցեին իր՝ նաև քննադատական անդրադարձներով:










