Շվեյցարիայում կովերի վրա «պատուհան» են տեղադրել՝ գիտափորձի շրջանակում (լուսանկարներ, տեսանյութ)

Շվեյցարացի հետազոտողները 14 կովի մասնակցությամբ ուշագրավ փորձարկում են անցկացնում, որի շրջանակներում կենդանիների վրա տեղադրվել են հատուկ «պատուհաններ»։

Ինչպես նշում է The Daily Mail-ը, այդ «պատուհանների» տակ գտնվում են բժշկական խողովակներ, որոնք մտցվել են անմիջապես կենդանու մարսողական համակարգի մեջ։
 

Այդ անցքերը հնարավորություն են տալիս ֆերմերներին տեսնել, թե ինչպես է կովի ընդունած սնունդը մարսվում։
Վիրահատական ճանապարհով տեղադրվող խողովակները նախատեսված են պարզելու համար, թե կենդանական կերի հատկապես որ տեսակն է լավագույնս մարսվում կովերի կողմից։ Ստացված արդյունքները հնարավորություն կտան ստեղծել դյուրամարս կենդանական սնունդ։