Իտալիայում կառուցվել է Եվրոպայի՝ էկոլոգիապես ամենամաքուր տունը (լուսանկարներ)

Իտալական Վենետոյում կառուցվել է Եվրոպայի՝ էկոլոգիապես ամենամաքուր տունը, որը պատկանում է Էնրիկո Մորետի Պոլեգատոյին ու նրա կնոջը։

Ինչպես նշում է Euromag-ը, զույգի տունը ստացել է մի հավաստագիր, ըստ որի այն զրոյական ազդեցություն է ունենում շրջակա միջավայրի վրա։

Biocasa-82 կոչվող տան ստեղծման համար օգտագործվել են միայն վերամշակված նյութեր, իսկ էներգիան տունը ստանում է գեոջերմային և ֆոտոէլեկտրական աղբյուրներից։

Տունը համալրված է անձրևաջրի կրկնակի օգտագործման համակարգով, իսկ փոշին ու մանր միջատներին վերացնող զտիչների շնորհիվ շինության ներսում օդը միշտ թարմ է ու սառը։

«Սա նման է անտառում ապրելուն, պարզապես գլխավերևում տանիք կա»,- նշել է Պոլեգատոն։
Տանտերերի կարծիքով՝ Biocasa-82-ը միաժամանակ բարելավում է կյանքի որակն ու հարգալից վերաբերմունք է բնության ու Երկրի հանդեպ, որի շնորհիվ մարդը գոյատևում է։