Gran Turismo սուպերքարն իրականություն է դարձել. Volkswagen-ը ներկայացրել է տեսախաղից ոգեշնչված մեքենան (լուսանկարներ)

18:05 • 31.05.14

15 տարի շարունակ Gran Turismo հայտնի տեսախաղի ստեղծողները ներկայացնում էին այնպիսի հոյակապ մեքենաներ, որոնք անհնար էր իրականում ստեղծել։

Ինչպես նշում է The Daily Mail-ը, այժմ գերմանական Wolkswagen ընկերությունը ներկայացրել է GTI Roadster-ի իրական տարբերակը, որն առավելագույնը զարգացնում է 306 կմ/ժ արագություն։

Նորույթը 100 կմ/ժ արագություն է զարգացնում 3.6 վայրկյանում. այն համալրված է 500 ձիաուժ հզորությամբ, 3 լ ծավալով, երկտուրբո V6 շարժիչով, ինչի շնորհիվ այն հաջողությամբ կարող է մրցել Ferrari FF-ի հետ։

Նորույթը ցուցադրվել է Գերմանիայում։ Պարբերականը նկատում է, որ այն դեռևս կոնցեպտի տեսքով է և մոտ ապագայում դրա սերիական արտադրությունը չի իրականացվելու։