SpaceX–ի գլխավոր տնօրենը տիեզերական նոր «տաքսի» է ներկայացրել (լուսանկարներ)

SpaceX տիեզերական ընկերության գլխավոր տնօրեն Էլոն Մասկը նոր սերնդի տիեզերանավ է ներկայացրել, որը կկարողանա 7 տիեզերագնացի հասցնել Միջազգային տիեզերակայան և ետ բերել:

Բազմանգամյա օգտագործման Dragon V2 տիեզերական տաքսին նույնանուն բեռնանավի կառավարվող (օդաչուի կողմից) տարբերակն է, որն ունակ է ուղղաթիռի ճշտությամբ վայրէջք կատարել գրեթե ցանկացած վայրում:

Ինչպես հայտնում է Vesti.ru-ն՝ ընկերությունը սկզբնապես ներկայացրել է SpaceDraco նորարարական հրթիռային շարժիչները, որոնցով կփոխարինվեն ներկայում գործող բոլոր Dragon տիեզերանավերի շարժիչները:


SpaceDraco-ն հրթիռային շարժիչների մեծ մասից առանձնանում է նրանով, որ այրման խցիկն ստեղծվել է 3D տպիչի օգնությամբ մետաղների լազերային քարացման տեխնոլոգիայով, ինչը թույլ է տալիս մետաղական իրերն այնպես պատրաստել, որոնք իրենց հատկություններով գերազանցեն ձուլման ավանդական եղանակով պատրաստված սարքերին:

Նոր շարժիչի հիմնական գործառույթը կլինի տիեզերանավի կողմնորոշման կարգավորումը ուղեծրում և մթնոլորտում: Dragon տիեզերական տաքսին կունենա 8 նման շարժիչ, ինչը կապահովի աշխատունակությունն անգամ այն պարագայում, երբ դրանցից մեկը կամ մի քանիսը շարքից դուրս գան:

Ինչպես հայտնում են SpaceX-ից՝ նոր շարժիչի կիրառմամբ ֆունկցիոնալ թռիչքը տեղի կունենա այս տարվա ընթացքում: Իսկ ինքը տիեզերական կապսուլան ֆուտուրիստական այլմոլորակային նավի տեսք ունի՝ մեծ պատուհաններով: