Չինաստանը դարձել է արդյունաբերական ռոբոտների ամենախոշոր գնորդը

Չինաստանը, որը նախկինում համարվում էր ձեռքի աշխատանքի համաշխարհային կենտրոն, դարձել է արդյունաբերական ռոբոտների խոշորագույն գնորդը, գրում է The Financial Times-ը:

Չինաստանին այդ տեխնոլոգիաներին դիմել ստիպել են աշխատավարձի վճարման վրա արվող ծախսերը և աճող մրցակցությունը, փոխանցում է gazeta.ru-ն։

2013-ին Չինաստանը գնել է աշխարհում վաճառվող յուրաքանչյուր հինգերորդ արդյունաբերական ռոբոտին: Այս ցուցանիշով Չինաստանն առաջին անգամ առաջ է անցել Ճապոնիայից: Ըստ International Federation of Robotics-ի՝ անցած տարի Չինաստանը ձեռք է բերել 36,6 հազար ռոբոտ, ինչը 60%-ով գերազանցում է 2012-ի նույն ցուցանիշը:  

Ճապոնիան ձեռք է բերել նման 26 հազար, ԱՄՆ-ն՝  23,7 հազար ռոբոտ:

2008 - 2013 թթ ռոբոտների վաճառքը Չինաստանում աճել է տարեկան միջինը 36%-ով: