Դատարանի որոշումից հետո YouTube-ը Թուրքիայում ապարգելափակվել է

Թուրքիայի հեռահաղորդակցության ոլորտը վերահսկող կառույցն իր կայքից հեռացրել է պաշտոնական հրամանը, որով սահմանված էր այդ երկրում արգելափակել YouTube տեսածառայությունը, հայտնում է Reuters-ը:

Ըստ աղբյուրի՝ դա տեղի է ունեցել այն բանից հետո, երբ անցած շաբաթ թուրքական դատարանը սահմանեց, որ վարչապետ Ռեջեփ Թայիփ Էրդողանի կողմից հաստատված արգելափակումն իրավունքների խախտում է:

Թուրքիայի վարչապետի գրասենյակից հայտնի է դարձել, որ YouTube-ը Թուրքիայում մատչելի կլինի երեքշաբթի օրը:

YouTube-ը և Twitter-ը Թուրքիայում արգելափակվել էին, երբ դրանցով Թուրքիայի իշխանություններին վարկաբեկող նյութեր էին տարածվել։