Առաջին անգամ Հայաստանում կատարվել է կրծքագեղձի վիրահատություն՝ արդի մեթոդոլոգիայով

Օրերս Երևանում առաջին անգամ կատարվել է սիլիկոնե–գելային իմպլանտով կրծքագեղձի վերականգնում–վիրահատություն՝ «Հայ Ամերիկյան Առողջության Կենտրոնում», այս մասին այսօր լրագրողների ետ հանդիպմանը հայտարարեցին ԱՄՆ-ից Հայաստան ժամանած պլաստիկ վիրաբույժ, պրոֆեսոր Արթուր Սալիբյանը և «Հայ Ամերիկյան Առողջության Կենտրոնի» վիրահատական բաժանմունքի ղեկավար, վիրաբույժ-ուռուցքաբան Արմեն Քոչարյանը:

Նրանց խոսքով՝ նոր մեթոդով կանանց կրծքագեղձի քաղցկեղային հիվանդությունների դեպքում պահպանվում է կուրծքն ու պտուկը:

Սա նոր մեթոդոլոգիա է համարվում Հայաստանի համար, թեև ԱՄՆ-ում իմպլանտների տեղադրումն արդեն տասը տարվա վաղեմություն ունի:

Եվ հիմա կենտրոնում ծրագրվում են «ծավալվել» նման վիրահատություններ կատարելու համար:

Մինչ այժմ կատարվել են վիրահատություններ՝ բարեգործական հիմունքներով, սակայն հետագայում դրանք արդեն վճարովի են դառնալու:

«Մենք պլանավորում ենք կատարել և շատ լավ գիտակցում ենք մեր ժողովրդի հնարավորությունները … ես իհարկե, չեմ կարող ասել՝ որքան կարժենան իմպլանտները, բայց դրանք մատչելի են լինելու»,- ավելացրեց Արմեն Քոչարյանը: