Այլևս ոչ մի ատամնալիցք. գիտնականները ստեղծել են կարիեսը բուժելու նոր տարբերակ

Բրիտանացի գիտնականները ստեղծել են կարիեսը բուժելու նոր տարբերակ, որը հնարավորություն է տալիս ատամին ինքն իրեն բուժվել՝ առանց ցավոտ, տհաճ ատամնալիցքի ու ներարկումների անհրաժեշտության։

Ինչպես նշում է The Guardian-ը, ատամը վերականգնող նոր սարքի հեղինակներն են Լոնդոնի թագավորական քոլեջի գիտնականները։

Աղբյուրը մանրամասնում է, որ սովորաբար ատամի սևացած մասը՝ կարիեսը, հեռացվում է բոր մեքենայով փորելու միջոցով, ինչից հետո խոռոչը լցվում է տարատեսակ նյութերով։ 

Իսկ բուժման նոր մեթոդն արագացնում է կալցիումի ու ֆոսֆատի տեղաշարժը դեպի վնասված ատամ։
Երկփուլ գործընթացի շրջանակում էլեկտրական թույլ հոսանքը նշված հանքանյութերն ուղղում է դեպի սևացածը մասը։

Պրոֆեսոր Նայջլ Փիթսի խոսքով՝ իրենց տեխնոլոգիան, որը զանգվածային կիրառման համար հասանելի կլինի արդեն 3 տարուց, կօգնի նաև առողջ ատամների սպիտակեցման հարցում։