Նոր սարքը ցանկացած ժամացույց վերածում է սմարթվոչի (տեսանյութ)

Այսօր տեխնոլոգիական ընկերությունները զբաղված են նոր սերնդի «խելացի» ժամացույցների ստեղծմամբ, որոնք կարող են մասամբ փոխարինել սմարթֆոններին։ Սակայն, ինչպես նշում է The Daily Mail-ը, կանադացի մասնագետները ստեղծել են մի սարք, որն ունակ է ցանկացած տեսակի ձեռքի ժամացույց վերածել սմարթվոչի։

18 մմ երկարությամբ Glance կոչվող սարքն արժե 65 դոլար, այն ամրացվում է ժամացույցի ամրակին՝ հնարավորություն տալով օգտատիրոջը տեղեկանալ հեռախոսին եկող ծանուցումների, ինչպես նաև սեփական օրգանիզմի առողջական վիճակի, ստացվող էլեկտրոնային նամակների մասին։

Բացի այդ, այն հնարավորություն է տալիս առանց հեռախոսին նայելու իմանալ, թե ով է զանգահարում։ Նշվում է, որ Glance-ը հասանելի է ինչպես iOS, այնպես էլ Android օպերացիոն համակարգերով գործող սմարթֆոնների համար։
 

Ենթադրվում է, որ ալյումինից պատրաստված նորույթը վաճառքում կհայտնվի հոկտեմբերին։ Այն կներկայացվի 3 տարբեր չափերով։