LG ընկերության նոր սերնդի G3 սմարթֆոնի առանձնահատկությունները (լուսանկարներ)

LG ընկերությունը ներկայացրել է G3 առաջատար սմարթֆոնը, որը հասանելի է միայն փորձարարական նմուշներով:
Ինչպես գրում է Lenta.ru-ն՝ կորեական ընկերությունը որոշել է մինչ փորձարկումների ավարտը ներկայացնել այն գործառույթները, որոնցով աչքի է ընկնում նորագույն արտադրանքը: Ինչպես և անցյալ տարի՝ LG-ն ստեղծել է ամենամեծ անկյունագիծն ունեցող էկրանով սմարթֆոնը մրցակիցների շրջանում:

Եթե անցյալ տարի սմարթֆոնը ներկայացվել է 5.2 դյույմ էկրանով, ապա այս տարի  կունենա 5.5 դյույմ անկյունագծով էկրան:

LG-ի սմարթֆոնները արդեն հայտնի են ետևի մասում առկա կառավարման ստեղներով: Ընկերությանը բնորոշ առանձնահատկություններից մեկը սմարթֆոնի էկրանը արգելափակումից հանելն է էկրանի վրա կոդային կտկտոցով: