Լևոն Հայրապետյանի պաշտպանները բողոքարկել են գործարարին կալանավորելու որոշումը

10:54 • 21.07.14

Մոսկվայում ձերբակալված հայ գործարար Լևոն Հայրապետյանի պաշտպանները բողոքարկել են նրան կալանավորելու որոշումը. այդ մասին ИТАР-ТАСС գործակալությանն ասել է նրա փաստաբան Ռուբեն Մարգարյանը:

 

«Մենք Մոսկվայի քաղաքային դատարանին խնդրում ենք փոխել Հայրապետյանին կալանավորելու որոշումը, քանի որ այն անօրինական է և անհիմն, ինչպես նաև փոխել նրա խափանման միջոցը»,-ասել է նա:

 

Ակնկալվում է, որ հուլիսի 24-ին Հայրապետյանին պաշտոնական մեղադրանք կներկայացվի:

 

Ավելի վաղ դատարանը վճռել էր մինչև սեպտեմբերի 15-ը կալանավորել հայ գործարարին: Բացի այդ, այդ քրեական գործի շրջանակներում կալանք է դրվել «Башнефть» ընկերության արժեթղթերի վրա, որի արժեքը 300 մլն ռուբլի է:

Հայրապետյանը չի ընդունում իրեն ուղղված մեղադրանքը՝ փողերի լվացման գործով:

 

65-ամյա գործարարը ձերբակալվել էր հուլիսի 15-ին՝ «Դոմոդեդովո» օդանավակայանում:

Նրա ձերբակալության համար հիմք էր հանդիսացել Բաշկիրիայից ընտրված նախկին սենատոր Իգոր Իզմեստևի ցուցմունքը, որը ցմահ ազատազրկման է դատապարտված՝ առանձնակի ծանր հանցագործությունների համար: