Ռուսաստանը դադարեցրել է Մոլդովայից բանջարեղենային պահածոների ներմուծումը
ՌԴ սպառողների իրավունքների պաշտպանության ոլորտում հսկողություն իրականացնող «Ռոսպոտրեբնադզոր» ծառայությունը դադարեցրել է բանջարեղենային պահածոների ներմուծումը մոլդովական չորս ձեռնարկություններից, հայտնում է Russia Today-ը:
Կազմակերպության կայքում նշված է, որ արտադրանքի ներմուծումը դադարեցված է հուլիսի 18-ից, քանի որ պիտակների վրա նշված զուտ քաշը չի համապատասխանում իրականին:
Արգելված է, մասնավորապես, Sorvest-Agro, Alfa-Nistru, Natur Bravo և Coval&Co. ընկերությունների արտադրանքի ներմուծումը:
Ռուսաստանը նախատեսում է չեղարկել հարկման հատուկ համակարգը Մոլդովայից ներկրվող մսի, գինու, բանջարեղենի, մրգերի, հացահատկի համար:
Մոսկվան նախազգուշացրել էր, որ Քիշնևի կողմից Եվրամիության հետ Ասոցացման համաձայնագրի վավերացումից հետո կարող է որոշակի քայլեր ձեռնարկել:










