Բարաք Օբաման այսօր նշում է ծննդյան տարեդարձը (լուսանկարներ)

16:30 • 04.08.14

ԱՄՆ-ի առաջին սևամորթ նախագահը՝ Բարաք Օբաման, այսօր նշում է ծննդյան 53-ամյակը:

 

Բարաք Հուսեյն Օբամա կրտսերը ծնվել է 1961թ. օգոստոսի 4-ին ԱՄՆ Հավայան կղզիների Հոնոլուլու քաղաքում, որտեղ էլ ավարտել է հեղինակավոր մասնավոր դպրոցն ու շարունակել ուսումը Լոս Անջելեսի քոլեջում, այնուհետ՝ Կոլումբիայի համալսարանում, գրում է calend.ru-ն։

 

Նրա քաղաքական կարիերան սկսվել է Իլինոիս նահանգի Սենատից, որտեղ նա ընտրվել է 3 անգամ՝ 1996-2004թթ.:

 

2008թ. նոյեմբերին Օբաման հաղթել է ԱՄՆ նախագահական ընտրություններում՝ դառնալով երկրի 44-րդ նախագահն ու ամերիկյան պատմության մեջ առաջին սևամորթ ղեկավարը։

 

2012թ. նոյեմբերին Օբաման վերընտրվել է նախագահի պաշտոնում 2-րդ ժամկետով։

 

Օբաման 1992-ից ամուսնացած է Միշել Ռոբինսոնի հետ, ունի 2 դուստր։