Բան Կի Մունը դատապարտել է Գազայի հատվածում դեպքերի հետ կապված հակասեմականության դրսևորումները
ՄԱԿ-ի գլխավոր քարտուղար Բան Կի Մունը դատապարտել է Գազայի հատվածում տեղի ունեցող իրադարձությունների հետ կապված հակասեմականության դրսևորումները։ Այս մասին հայտնում է Reuters-ը՝ հղում անելով կազմակերպության աղբյուրին:
«Մերձավոր Արևելքի կոնֆլիկտը չպետք է նախապաշարմունքների պատճառ դառնա, որոնք կարող են աշխարհին վնաս հասցնել»,- ասել է Բան Կի Մունը:
Նախկինում ՄԱԿ-ի գլխավոր քարտուղարը Ռաֆահում (քաղաք Գազայի հարավային հատվածում) ՄԱԿ-ի դպրոցի վրա արձակած կրակահերթը, որի պատճառով զոհվել է ավելի քան 10 խաղաղ բնակիչ, անվանել է հանցագործություն:










