Չինաստանի իշխանությունները ձերբակալել են 2 կանադացու՝ պետական գաղտնիք գողանալու կասկածանքով
Չինաստանի իշխանությունները ձերբակալել են Կանադայի երկու քաղաքացու՝ պետական գաղտնիք գողանալու կասկածանքով, գրում է ria.ru-ն՝ հղում անելով «Սինհուա» գործակալությանը:
Տեղական իշխանությունների տվյալներով՝ ձերբակալվածները Քևին Գարաթն ու Ջուլիա Դոն Գարաթն են, ովքեր կասկածվում են Չինաստանի ռազմական և պաշտպանական հետազոտություններին վերաբերող գաղտնի տվյալներ գողանալու համար։
Երկուշաբթի նրանք տեղափոխվել են Չինաստանի ազգային անվտանգության վարչություն:
Այժմ տվյալ փաստով ստուգումներ են ընթանում: Այլ մանրամասներ չեն հաղորդվում:
Հուլիսի վերջին Կանադայի իշխանությունները հայտարարել էին, որ երկրի հատուկ ծառայություններն Ազգային հետազոտական խորհրդի համակարգիչներ մտնելու չինացի հաքերների փորձեր են արձանագրել: Չինաստանի իշխանությունները նման հայտարարություններն անվանել էին անհիմն։










