Կանադայում Էբոլա վարակի կասկածանքով հոսպիտալացված հիվանդի մոտ այլ հիվանդություն է ախտորոշվել
Կանադայի Տորոնտո քաղաքում բժիշկները չեն հաստատել Նիգերիայից «Էբոլա» վարակի ախտանշաններով վերադարձող ուղևորի մոտ տվյալ հիվանդության առկայությունը: Այս մասին հաղորդում է ИТАР-ТАСС-ը՝ հղում կատարելով Օնտարիո նահանգի առողջապահության նախարարի՝ կիրակի օրն արված հայտարարությանը:
«Ես կարող եմ ասել, որ այդ ուղղությամբ արվող վերլուծությունները ուղարկվել են մանրէաբանության լաբորատորիա, որտեղ չի հաստատվել Էբոլայի վարակի առկայությունը»,-հայտարարել է մարզի գլխավոր բժիշկը:










