Ուկրաինացի ուժայինները հայտնում են Դոնեցկի ազատագրման վերջնական փուլին պատրաստվելու մասին
Ուկրաինայի հակաահաբեկչական գործողության ուժերը պատրաստվում են ապօրինի զինված խմբավորումներից Դոնեցկն ազատագրելու վերջնական փուլին: Այդ մասին Reuters գործակալությանը տված հարցազրույցում ասել է Ուկրաինայի ազգային անվտանգության և պաշտպանության խորհրդի տեղեկատվա-վերլուծական կենտրոնի խոսնակ Անդրեյ Լիսենկոն, գրում է korrespondent.net-ը:
«Հակաահաբեկչական գործողության ուժերը պատրաստվում են Դոնեցկի ազատագրման վերջնական փուլին: Մեր ուժերն ամբողջությամբ կտրել են Դոնեցկը Լուգանսկից: Մենք աշխատում ենք երկու քաղաքների ազատագրման ուղղությամբ»,- ընգծել է Լիսենկոն:
Նա նաև նշել է, որ Դոնեցկի ազատագրումն Ուկրաինայի ազգային գվարդիայի առաջնահերթությունն է:
Նախօրեին հակաահաբեկչական գործողության մամուլի կենտրոնից հայտնել էին, որ ուժայինները փակել են Դոնեցկի և Լուգանսկի միջև ճանապարհները:










