Սուխումում արգելել են լողազգեստով շրջել փողոցներում

12:10 • 11.08.14

Աբխազիայի մայրաքաղաք Սուխումում այսուհետ արգելվում է քաղաքացիներին լողազգեստ կրել լողափերից դուրս: Այսպիսի որոշում են ընդունել քաղաքային ժողովի պատգամավորները:

 

Ինչպես հայտնում է «Ինտերֆաքս»-ի թղթակիցը ՝ պատգամավորները նաև քաղաքապետ Ալյաս Լաբախուային հանձնարարել են քաղաքապետարանին կից հատուկ վերահսկիչ խումբ ստեղծել և տեղեկատվական վահանակներ տեղադրել լողափերում՝ արգելքի մասին հիշեցնելու համար:

 

Որոշման իրականացմանը հետևելու համար պատասխանատու է նշանակվել Սուխումի ներքին գործերի վարչության ղեկավար Մուրման Գեգիան:

 

Հետաքրքրական է, որ Աբխազիայում արգելքներ կամ սահմանափակումներ չկան հանրային վայրերում ոգելից խմիչքների և ծխախոտի օգտագործման վերաբերյալ: