Էբոլա վիրուսից իսպանացի հոգևորական է մահացել

16:00 • 12.08.14

Լիբերիայում Էբոլա վիրուսով վարակված իսպանացի հոգևորականն այսօր առավոտյան մահացել է Մադրիդի հիվանդանոցներից մեկում, հայտնում է BBC News բրիտանական լրատվական կայքը:

 

75-ամյա հոգևորական Միգել Պախարեսին Լիբերիայից մեկ այլ հոգևորականի հետ Իսպանիա էին տեղափոխել անցած շաբաթ: Նա ZMapp կոչվող փորձնական դեղորայքով բուժում էր ստացել:

 

Հաղորդվում է, որ Առողջապահության համաշխարհային կազմակերպությունը Ժնևում հաստատել է ZMapp դեղորայքի օգտագործման ցուցումները:  

 

Տարեսկզբից այս համաճարակի հետևանքով ավելի քան 1000 մարդ է մահացել Արևմտյան Աֆրիկայում՝ Լիբերիայում, Գվինեայում, Սիերա Լեոնեում և Նիգերիայում: