Օբամայի հասցեին արված քննադատությունը պետք չէ ընդունել որպես անձնական հարձակումներ. Հիլարի Քլինթոն

09:45 • 13.08.14

ԱՄՆ նախկին պետքարտուղար Հիլարի Քլինթոնի վերջերս հնչեցրած քննադատություններն ԱՄՆ նախագահ Բարաք Օբամայի հասցեին պետք չէ դիտարկել որպես անձնական հարձակումներ նրա և նրա արտաքին քաղաքականության վրա։ Նման հայտարարությամբ է հանդես եկել Քլինթոնն իր մամուլի խոսնակի միջոցով, գրում է ԻՏԱՌ-ՏԱՍՍ-ը։

 

Ինչպես նշել է նրա պաշտոնական ներկայացուցիչ Նիկ Մերիլը, Քլինթոնը հեռախոսազրույց է ունեցել Օբամայի հետ, ով այժմ հանգստանում է Մարտաս Վինյարդ կղզում։ Զրույցի պատճառը դարձել է այն, որ Քլինթոնի արտահայտություններն Atlantic պարբերականին տված հարցազրույցում գրավել են ԱՄՆ-ի հասարակության ուշադրությունը։

 

Քլինթոնը «զանգահարել է նախագահ Օբամային՝ համոզվելու համար, որ նա գիտի՝ իր ասածներից ոչինչ Օբամայի, նրա քաղաքականության վրա հարձակվելու փորձ չէ», նշել է Մերիլը։