ԵՄ-ն Իրաքի, Ուկրաինայի և Գազայի հարցով արտակարգ նիստ կհրավիրի
Եվրամիության արտաքին քաղաքական հարցերով հանձնակատար Քեթրին Էշթոնը հայտարարել է, որ մտադիր է արտգործնախարարների հատուկ հանդիպում կազմակերպել, տեղեկացնում է gazeta.ru-ն՝ Reuters-ին հղումով:
Ակնկալվում է, որ այն ամբողջությամբ նվիրված կլինի Իրաքի, Ուկրաինայի և Գազայի հատվածում տեղի ունեցող իրադարձություններին:
Իտալիայի արտգործնախարարությունը հաղորդել է, որ արտգործնախարարների հանդիպումը կկայանա այս շաբաթ կամ հաջորդ շաբաթվա սկզբին:
Ուկրաինային նվիրված արտակարգ նիստ ավելի վաղ հրավիրել էր Մեծ Բրիտանիայի արտգործնախարարությունը:










