Այժմ ցանկանում եմ միայնակ լինել և ժամանակ անցկացնել երեխաներիս հետ. Ջենիֆեր Լոպես (լուսանկարներ)

Չնայած երգչուհի և դերասանուհի Ջենիֆեր Լոպեսը ցնցող տեսքով և բազմամիլիարդ դոլարանոց կարողությամբ աստղ է, նրա մոտ ընկերներն, այնուամենայնիվ, փորձում են միջամտել երգչուհու անձնական կյանքին և նրա համար հարմար ուղեկից գտնել, գրում է mirrror.co.uk-ը:

45-ամյա երգչուհին այս տարվա հունիսին է բաժանվել Մարք Էնթոնիից, ում հետ նա ամուսնացած էր 7 տարի և ումից նա վեց տարեկան զույգ երեխաներ ունի:

Լոպեսը խոստովանել է, որ իր ընկերները մտադիր են նոր տղամարդ գտնել նրա համար: «Ընկերներս մշտապես փորձում են կարգավորել անձնական կյանքս, բայց ես դա այժմ չեմ ուզում: Դա այժմ առաջնահերթություն չէ ինձ համար: Ես մի հարաբերությունից մեկ այլ հարաբերություն եմ անցել մշտապես, բայց այնուամենայնիվ, չեմ ամաչում իմ անցած ուղու և իմ քաղած դասերի համար: Ես անում եմ այն, ինչ այդ պահին ճիշտ եմ համարում: Եվ այժմ ճիշտ եմ համարում ինքս ինձանով լինել, ինձ ժամանակ տրամադրել, մի բան, որ կյանքիս ընթացքում շատ չեմ արել»,- ասել է երգչուհին՝ հավելելով, որ այժմ նա ժամանակն անցկացնում է միայնակ և երեխաների հետ:

«Ես շարունակում եմ հավատալ սիրուն, իհարկե, բայց ամենաշատը մտածում եմ՝ ով է բավականաչափ արժանի իմ և իմ երեխաների կյանք մտնել»,- ասել է նա: