Մահացել է ֆրանսիացի դերասանուհի Մարի Դյուբուան

Ֆրանսիայի Պո քաղաքում իր տանը կյանքից հեռացել է ֆրանսիացի դերասանուհի Մարի Դյուբուան, հայտնում է Комсомольская правда-ն։ Նա 78 տարեկան էր:

Դերասանուհու ներկայացուցիչները չեն հայտնել նրա մահվան պատճառը։ Ինչպես նշում են ԶԼՄ-ները, Դյուբուան երկար տարիներ տառապել է ցրված սկլերոզ հիվանդությամբ։

Դյուբուան 1960-70-ականների ֆրանսիական կինեմատոգրաֆի բավականին հայտնի ներկայացուցիչներից էր։ Իր կարիերայի ընթացքում նա աշխատել է հայտնի ռեժիսորների հետ՝ Ժան Լյուկ Գոդարի, Ֆրանսուա Տրյուֆոյի,  նկարահանվել մի քանի տասնյակ հեռուստա- և կինոֆիլմերում՝«Մեծ զբոսանք», «Կրակե՛ք դաշնակահարի վրա» և այլն։

Երկու անգամ արժանացել է «Սեզար» մրցանակի։