Վալերիայի ելույթը Լոնդոնում դիմավորել են բողոքի ցույցերով (լուսանկարներ)

Լոնդոնի «Ալբերտ-հոլում» «Վալերիայի և ընկերների» համերգն ուղեկցվել է երկու բողոքի ցույցով, հաղորդում է BBC-ի ռուսական ծառայությունը:

Առաջինը կազմակերպել է Լոնդոնում ապրող ռուսների խումբը: Նրանք փորձել են թույլ չտալ երկիր այն երգիչներին, որոնք հրապարակայնորեն պաշտպանել են Ուկրաինայի նկատմամբ Ռուսաստանի քաղաքականությունը:

Ռուսներին են միացել «Լոնդոնյան եվրամայդանի» ակտիվիստները՝ ուկրաինական սփյուռքի ներկայացուցիչները, ովքեր նույնպես դժգոհ են Ուկրաինայի հարավ-արևելքում կոնֆլիկտի վերաբերյալ Վալերիայի և Իոսիֆ Կոբզոնի արտահայտություններով և Վլադիմիր Պուտինի քաղաքականությանը նրանց պաշտպանությամբ: