Բուդապեշտում ահռելի արձանը դուրս է գալիս հրապարակի գետնի տակից (լուսանկարներ)

11:24 • 24.10.14

Արվեստագետ, քանդակագործ Էրվին Լորաթ Հերվեն ստեղծել է տպավորիչ արձան, որը դուրս է գալիս գետնի տակից, գրում է Bored Panda-ն։

Այն տեղադրված է Հունգարիայի մայրաքաղաք Բուդապեշտում՝ Սեչենյի հրապարակում, և մասնակցում է Art Market Budapest 2014 ժամանակակից արվեստի միջազգային ցուցահանդեսին։

Art Market Budapest 2014-ը միջազգային բարձր մակարդակի ցուցահանդես է, որին ամեն տարի մասնակցում են Կենտրոնական և Արևելյան Եվրոպայից բազմաթիվ արվեստագետներ։

Բացի ցուցահանդեսներից, միջոցառման շրջանակում կազմակերպվում են մի շարք կլոր սեղաններ, լուսանկարիչների և գեղանկարիչների հետ հարցազրույցներ, գրքերի շնորհանդեսներ։