Ֆլորենցիան զբոսաշրջիկների կողմից ճանաչվել է լավագույն քաղաքն աշխարհում. 12 լուսանկար, որոնք ապացուցում են դա

Condé Nast Traveler կայքը հրապարակել է ընթերցողների ընտրության մրցանակաբաշխության արդյունքները, որոնց համաձայն՝ իտալական Ֆլորենցիան զբոսաշրջիկների կողմից անվանվել է լավագույն քաղաքն աշխարհում:

Ինչպես գրում է Business Insider-ը` Ֆլորենցիան նման է կենդանի թանգարանի, որտեղ յուրաքանչյուր փողոց, նրբանցք և կառույց լի է պատմությամբ: Այն հայտնի է նաև անհավանական ուտեստներով, արվեստով և մշակույթով:

Ֆլորենցիան Եվրոպայի մարգարիտն է, որը պետք է տեսնի ցանկացած մարդ: Այն հայտնի է նաև ճարտարապետությամբ. բազմաթիվ կառույցներ կառուցվել են Վերածննդի դարաշրջանից էլ վաղ:

Քաղաքի ամենանշանավոր տեսարժան վայրը գոթական ոճով կառուցված Դուոմո մայր տաճարն է, որը պաշտոնապես կոչվում է Բազիլիկա դե Սանտա Մարիա դե Ֆիորե (Basilica di Santa Maria del Fiore):

Առնո գետը հոսում է քաղաքի միջով:

Գետի ափին մի շարք կառույցներ կան, որոնցից ամենահայտնին Ponte Vecchio-ն է (Հին կամուրջ), որը միջնադարյան քարե կամուրջ է` լցված խանութներով:

«Ուֆիզի», աշխարհի ամենահայտնի թանգարաններից մեկը

Տասնյակ խոշոր գլուխգործոցներ են ցուցադրվում այստեղ` ներառյալ Սանդրո Բոտիչելիի «Գարունը» (La Primavera):

Ակադեմիական թանգարանը, որտեղ պահվում է Միքելանջելոյի «Դավիթը»

Դավիթի կրկնօրինակը՝ Piazza della Signoria հրապարակում

Ֆլորենցիան հայտնի է իր պիցցերիաներով, ռեստորաններով ու սրճարաններով: