Հայաստանում անցկացվում է «Կին» ամենամյա կինոփառատոնը

Այս տարի նոյեմբերի 1-5-ը Երևանում անցկացվում է 11-րդ ամենամյա «Կին» կինոփառատոնը, գրում է ria.ru-ն։
 

Փառատոնի նպատակներն են հասարակությունում կնոջ դերի և տեղի վերաիմաստավորումը և կնոջ խնդիրների բարձրաձայնումը կինոմատոգրաֆիայի միջոցով, նշվում է կազմակերպիչների հայտարարության մեջ։
 

Փառատոնի ընթացքում աշխարհին կներկայացվեն հայ կին ռեժիսորների կողմից ստեղծված ֆիլմեր։
 

Այս տարի փառատոնին ներկայացված է 57 ֆիլմ` 15 երկրից։ Փառատոնի ցուցադրության օրերի և օրակարգի մասին կարելի է տեղեկանալ փառատոնի Facebook-ի պաշտոնական էջից։
 

Փառատոնի վերջում հաղթողները կպարգևատրվեն «Լավագույն ֆիլմ» և «Հատուկ մրցանակ» անվանակարգերում։ Հետահայաց կցուցադրվեն նաև մուլտիպլիկատոր Գայանե Մարտիրոսյանի աշխատանքները։
 

Բացի ֆիլմերի ցուցադրություններից, փառատոնի շրջանակներում նախատեսվում են անցկացնել սեմինարներ, կլոր սեղաններ և քննարկումներ։