Ջենիֆեր Լոպեսը հուշագրություններ կթողարկի

Դերասանուհի և երգչուհի Ջենիֆեր Լոպեսը որոշել է «վաճառել» ողջ ճշմարտությունն այն մասին, թե ինչպես է կարողացել հաջողության հասնել, գրում է loveradio.ru-ն։

Նոյեմբերի 4-ին գրախանութներում կհայտնվեն Լոպեսի հուշագրությունները։

«True Love» անվանումով գրքում նա պատմում է ոչ միայն այն մասին, թե ինչպես է հարթել իր ուղին շոու բիզնեսում, այլև կբացահայտի մանրամասներ իր անձնական կյանքից։ Մասնավորապես, երգչուհին պատմում է մայրության փորձի մասին, հիշում է իր սիրային ապրումները, պատմում է նաև, թե ինչպես է ամուսնալուծվել երգիչ Մարկ Էնթոնիից, ով իր երկու երեխաների հայրն է։