Փսիխոդելիկ, ինտերակտիվ լույսերով շոուն Իտալիայի միջնադարյան ամրոցում (լուսանկարներ, տեսանյութ)

Հինն ու նորը միավորելու մեջ գրավիչ ու արտասովոր բան կա, հնագույն որևիցե բան ժամանակակիցի կողքին տեսնելը չափազանց հետաքրքիր է, քանի որ դա ստիպում է մտածել այն բոլոր տարիների և մարդկանց մասին, որոնք բերել են քեզ այնտեղ, որտեղ այժմ ես, գրում է viralnova.com-ը:

Այնուամենայնիվ, անկախ հինն ու նորը զուգադրելու մասին Ձեր մտքերից, Հարավ-արևելյան Իտալիայում այս արվեստի ինստալյացիան բավականին տպավորիչ է:

13-րդ դարի Castel del Monte-ն ունի ութանկյուն ներքին տարածք: Երբ ֆրանսիացի արվեստագետ Միգել Շևալյեն տեսնում է այն, անմիջապես մտածում է, որ դա հիանալի վայր կլիներ Magic Carpets 2014 կոչվող փսիխոդելիկ ինտերակտիվ լույսերով շոուի համար: Վերևից հատակին նետվող լույսերն արձագանքում են այցելուների շարժումներին՝ ստեղծելով գույների և ձևերի մշտապես փոփոխվող «գորգ»: Այն ուղեկցվում է Ջակոպո Բաբոնի Շիլինգիի երաժշտությամբ:

Շևալյեի կարծիքով՝ լույսերի փոփոխվող ձևերն արհեստական և բնական աշխարհների, երկրայինի և տիեզերականի հանդիպման խորհրդանիշն են: