Արքայազն Ուիլյամը և Angry Birds-ի հեղինակները համատեղ նոր խաղ կթողարկեն

Բրիտանացի արքայազն Ուիլամյը Angry Birds հայտնի խաղի հեղինակ՝ Rovio Entertainment ընկերության հետ համատեղ այսօր կթողարկի նոր խաղ, որի նպատակն է ցույց տալ որսագողության վնասը տարբեր կենդանիների համար, գրում է РИА Новости-ն։

Խաղը կկոչվի Roll with the Pangolins (Պտտվիր պանգոլինների հետ)։ Պանգոլինները կաթնասուններ են, որոնք վտանգի դեպքում կծկվում են։ Որսագողերը նրանց որսում են մսի և թեփուկների համար, որոնք օգտագործվում են ժողովրդական բժշկությունում։ Վերջին տասը տարվա ընթացքում անօրինական կերպով վաճառվել է ավելի քան 1 մլն պանգոլին, կենդանին գտնվում է ոչնչացման եզրին։

«Այս կենդանատեսակը գտնվում է ոչնչացման եզրին որսագողության պատճառով։ Այս հրաշալի արարածները կոչնչանան, քան դեռ ես ապրում եմ, եթե մենք հենց հիմա միջոցներ չձեռնարկենք»,- ասվում է արքայազնի հաղորդագրությունում։

Նրա խոսքով՝ կենդանիների անօրինական որսը և օրգանների վաճառքն օգնում է հովանավորել ծայրահեղական խմբավորումներին։


Խաղը հասանելի կլինի Angry Birds-ի մոտ 200 մլն օգտատերերի համար ամբողջ աշխարհում։