Սիրելի կին վարորդներ, ձեր մեքենաներում պահեք աղմկող իրեր և ամեն անգամ մի քանի ժամ խցանման մեջ մնալիս մեծ աղմուկ բարձրացրեք, այնպես, որ ձայնը հասնի նրանց, ովքեր պարտավոր են ուղեղներն աշխատեցնել այս իրավիճակը լուծելու համար. Աննա Հակոբյան (տեսանյութ)
Սիրելի կին վարորդներ, ձեր մեքենաներում պահեք աղմկող իրեր և ամեն անգամ մի քանի ժամ խցանման մեջ մնալիս մեծ աղմուկ բարձրացրեք, այնպես, որ ձայնը հասնի նրանց, ովքեր պարտավոր են ուղեղներն աշխատեցնել այս իրավիճակը լուծելու համար: Այս մասին ասել է Աննա Հակոբյանը:
«Սիրելի մի քիչ ավելի համարձակ տղամարդ վարորդներ, կարող եք դուք էլ միանալ։ Պետական կառույցները երբեք չեն լսում այն դժգոհությունը, որը համարձակություն չունի հնչելու։ Այնպես որ, սիրելի կանայք, որքան հնարավոր է բարձր հնչեցրեք այն։ Թե չէ կարող է պարզվել, որ Երևանի խցանումների համար նախկին իշխանությունները են մեղավոր, այ եթե անցած 30 տարում Հայաստանի տնտեսությունը համաչափ զարգանար և ավտոմեքենաների քանակը աստիճանաբար ավելանար, այլ ոչ թե երկրաչափական պրոգրեսիայով, Հայաստանի մայրաքաղաքում այսօր այս վիճակը չէր լինի»,- նշել է նա:










