Nokia-ն ընդմիշտ լքում է սմարթֆոնների շուկան

Nokia ընկերության գլխավոր տնօրեն Ռաջիվ Սուրին պաշտոնապես հայտարարել է, որ ընկերությունը չի պատրաստվում վերադառնալ սմարթֆոնների շուկա, գրում է comments.ua-ն։

Այժմ ընկերությունը մտադիր է զբաղվել ցանցային սարքավորումների մատակարարումներով։

Ավելի վաղ հայտնի էր դարձել, որ փոխանցելով բջջային մասնաճյուղը Microsoft-ին՝ 
Nokia-ն կարողացել է զգալիորեն բարելավել իր ցուցանիշները։ Ընկերության զուտ շահույթը 2014-ին հասել է 747 մլն եվրոյի։

Microsoft կորպորացիան դադարեցնում է Nokia և Windows Phone բրենդների օգտագործումը։ Հայտնի Nokia բրենդի փոխարեն ընկերությունը կօգտագործի Lumia բրենդը, իսկ Windows Phone-ը կվերածվի պարզապես Windows-ի։