Դեռևս չծնված երեխան ժպտում է մոր արգանդում. 4D սկանավորմամբ ստացված պատկեր

Դեռևս չծնված երեխաները երջանիկ են անգամ իրենց մայրիկի արգանդում, և դա ապացուցում են ժպտադեմ պտուղների 4D սկանավորված պատկերները:

Ինչպես ներկայացնում է Daily Mail-ը` նման հուզիչ պատկերներից է նաև Մանչեսթերի բնակիչներ Ջոն և Շարլոտ Ստիլերի դեռ չծնված որդու լուսանկարը՝ 4D սկանավորմամբ: Այս նորարարությունը գնալով ավելի շատ է տարածվում իրենց բալիկի ծնունդին սպասող ծնողների շրջանում, ովքեր ցանկանում են տեսնել` ինչպիսի տեսք կունենա իրենց ապագա փոքրիկը:

4D սարքավորման միջոցով ստացված լուսանկարները արտացոլում են տարբեր անկյուններից արված պատկերը` եռաչափ լուսանկարներ ստանալով: 4D սկանավորումը ավանդական ուլտրաձայնային հետազոտության կատարելագործված տարբերակ է, որը բարձր հաճախականության ձայնային ալիքների շնորհիվ բարձրորակ լուսանկարներ է անում մարմնի ներսում: