ԱՄՆ-ում Ջեյմս Կեգնիի «Օսկարն» աճուրդի է հանվել

ԱՄՆ-ում հոլիվուդյան դերասան Ջեյմս Կեգնիին (1899-1986) պատկանող «Օսկար» արձանիկը հանվել է աճուրդի, գրում է TASS գործակալությունը։

Այս մասին հայտնել են աճուրդի ներկայացուցիչները։ Արձանիկը կարելի է ձեռք բերել մինչև նոյեմբերի 20-ը։

1943-ին կինոարվեստի ամերիկյան ակադեմիան Կեգնիին ճանաչել է «Լավագույն դերակատար»՝ «Յանկի Դուդլ Դենդի» (Yankee Doodle Dandy,1942)  մյուզիքլում աշխատանքի համար։

Աճուրդի կազմակերպիչները մտադիր են արձանիկի վաճառքից ստանալ 800.000 դոլարից ոչ պակաս։

Կեգնին հայտնի է իր «Սպիտակ տենդ», «Կեղտոտ դեմքերով հրեշտակները» և «Հասարակության թշնամին» ֆիլմերում խաղացած դերերով։