Ուկրաինացի անօթևան Սլավիկը հայտնի է դարձել իր «նորաձև» հագուստով (լուսանկարներ)

Լվովում բնակվող և նորաձևությանը հետևող 55-ամյա Սլավիկ անունով անօթևան տղամարդը միևնույն հագուստը մի քանի անգամ չի կրում, գրում է lifenews.ru-ն։

Նշվում է, որ Սլավիկը գնչու է և կարող է միանգամայն հավակնել «ոճի իկոնայի» կոչմանը։

Առաջին անգամ յուրօրինակ անօթևանին փողոցում նկատել է լուսանկարիչ Յուրկո Դյաչիշինը, ով զրուցելով Սլավիկի հետ՝ տեղեկացել է, որ վերջինս ոչ միայն երբեք նույն հագուստը մի քանի անգամ չի կրում, այլև այն փոխում է օրական երկու անգամ։

Նա մշտապես հետևում է իր սանրվածքին, մորուքին և հիգիենային։

Լուսանկարիչ Դյաչիշինը լուսանկարել է Սլավիկին երկու տարի շարունակ՝ աշխատանքի համար անօթևանին վճարելով իր սեփական գրպանից։