Տուն բոլոր եղանակների համար. հատուկ դիզայնով տունը ձևափոխվում է տարվա ընթացքում` ըստ կլիմայի (լուսանկարներ, տեսանյութ)

Կան տներ, որոնք ստեղծվել են ցուրտ կլիմայական պայմանների համար, որոնցում մշտապես տաք է լինում, և կան տներ, որոնք այնպես են կառուցվում, որոնք զով պայմաններ են ստեղծում բնակիչների համար, սակայն մինչ այժմ երբևէ չի կառուցվել այնպիսի տուն, որը համատեղեր այդ երկու գործառույթները:

Ինչպես ներկայացնում է Daily Mail-ը` լոնդոնցի ճարտարապետները անհավանական «ծալվող» տուն են նախագծել, որը պտտվում է` 8 տարբեր ձևափոխության ենթարկվելով և հարմարվելով փոփոխվող եղանակներին:

D*Dynamic անվանումն ստացած կառույցն ստեղծելիս ճարտարապետներին ոգեշնչել է 20-րդ դարասկզբին մաթեմատիկոսների հայտնաբերած բանաձևը, որը թույլ է տալիս տարրալուծել խորանարդն ու դրա մասերը վերադասավորել հավասարակողմ եռանկյունիների:

Ամռանը, օրինակ, ննջասենյակը նայում է դեպի արևելք և պտտվում է` հետևելով արևին մի շարք սենսորների շնորհիվ: Ձմռանը տունը քառակուսու տեսք ունի` փոքր պատուհաններով: