Microsoft-ի կամպուսը պահպանության տակ են առել ռոբոտները (լուսանկարներ, տեսանյութ)

Ամերիկյան Microsoft ընկերությունը սկսել է փորձարկել PatrolBot Mark 2 ռոբոտին, որն աշխատում է որպես պահակ և հետևում է ընկերությանը պատկանող որոշակի տարածքի անվտանգությանը, գրում է 3dnews.ru-ն։

Ռոբոտն անկոչ հյուրերին «քշում է»՝ նրանց վրա ջուր ցայելով։ Ռոբոտներից ամեն մեկը կշռում է 136 կգ և ունի 1.5 մետր։

Ռոբոտները մեկ լիցքավորումից կարող են ինքնուրույն աշխատել 24 ժամ, իսկ ամբողջական լիցքավորումը տևում է 15-20 րոպե։ 

Այն ունի 4 HD տեսախցիկ և միկրոֆոն։ Մարդկանց հետ կապը պահպանում է WiFi-ի միջոցով։

Իրավախախտների հետ ռոբոտը չի կարող կռվի մեջ մտնել, սակայն կարող է ջուր ցայել նրանց վրա կամ էլ տագնապի ազդանշան արձակել։

Ռոբոտը կարողանում է բետոնի վրա արագ շարժվել և ճարպկորեն հաղթահարել բազմատեսակ խոչընդոտներ։

Այս ռոբոտները հայտնի են նաև K5 անունով, որոնց արտադրությամբ 2013-ից սկսած զբաղվում է Knightscope ընկերությունը։

Առայժմ թողարկվել է 7 ռոբոտ, իսկ մինչև այս տարվա վերջ նախատեսվում է թողարկել ևս 4-ը։ Ռոբոտները կարողանում են նկատել մարդկանց անսովոր և կասկածելի վարքագիծը։

Երբ ռոբոտները բախվում են վտանգի, նրանք անմիջապես ազդանշան են ուղարկում անվտանգության կենտրոն և սկսում են նկարահանել տեղի ունեցող իրադարձությունները։