Full HD տեսախցիկով անօդաչուն հանվում է վաճառքի

Ֆրանսիական Parrot ընկերությունը հայտարարել է մոտ ապագայում Bepop անօդաչուների վաճառքի մեկնարկի մասին, գրում է hitech.vesti.ru-ն։

Նորույթը ներկայացվել էր մայիսին։ 

Bebop-ը բարձրորակ տեսախցիկով օժտված անօդաչու է, որը կառավարվում է բջջայինի հատուկ հավելվածով կամ պլանշետով։

Այն հնարավոր կլինի ձեռք բերել այս տարվա դեկտեմբեր ամսից սկսած և արժենալու է 499 դոլար՝ Best Buy, Apple կամ այլ առցանց խանութներում։

Սարքն ունի 14 մեգապիքսել տեսախցիկ, որի ոսպնյակի «ձկան աչք» տեսակը թույլ է տալիս շրջակայքը նկարահանել 180 աստիճան անկյան տակ։ Այն թույլ կտա նաև նկարահանումներ կատարել 1080 պիքսել որակով։

Bepop-ն ունի 4 MIMO Wi-Fi անտենաներ, GPS և նոր ավտոմատ անվտանգության համակարգ։

Սարքի միակ թերությունը դրա մարտկոցն է, որն ամբողջական լիցքավորվելուց հետո կարող է օդում լինել միայն 12 րոպե։