Չինացի վարորդն աշխարհի ռեկորդ է սահմանել՝ «փայլուն» կայանելով իր մեքենան երկու մեքենաների միջև (լուսանկարներ, տեսանյութ)

Հան Յուեն China Drift Championships մրցաշարի ժամանակ ռեկորդ է սահմանել՝ արագության տակ շատ «մաքուր» կայանելով իր Mini մակնիշի մեքենան երկու մեքենաների միջև, որոնց միջև տարածությունը 8.6 սմ-ով է երկար եղել իր մեքենայի երկարությունից, գրում է Daily Mail-ը։

Նա կարողացել է մեքենան կայանել «փաուեր դրիֆտի» միջոցով (երբ մեծ արագության տակ մեքենան արգելակում է՝ միաժամանակ պտտելով ղեկը)։

Հանը նախկինում նման ռեկորդ էր սահմանել 2013-ի հուլիսին, սակայն այն ժամանակ մեքենաների միջև հեռավորությունն ավելի մեծ է եղել։

Այս տարվա մրցաշարն անցկացվել է Չինաստանի հարավ-արևմտյան հատվածում գտնվող Չունցին քաղաքում։

Գինեսի ռեկորդների գրքի ներկայացուցիչները գրանցել և հաստատել են ռեկորդը՝ չափելով մեքենաների միջև հեռավորությունը և ճշտելով, որ ամեն ինչ արդար է։