Արհեստական մաշկը կարողանում է հպում, տաքություն և խոնավություն զգալ (լուսանկարներ)

Popular Science ամսագիրը հրապարակել է Սթենֆորդի համալսարանում տեխնոլոգիաների և մաշկաբանության ոլորտների համադրմամբ աշխատող գիտնականների վերջին ձեռքբերումների մասին հոդված, գրում է gizmodo.com-ը։

Արհեստական մաշկը պատրաստված է պոլիդիմեթիլսիլոքսան (polydimethylsiloxane) նյութից, որի վրա ամրացված են տաքության, հպման և խոնավության ցուցիչներ, որոնք հաղորդում են տեղեկատվությունը համակարգչին։

Սթենֆորդի համալսարանի մաշկային ինժեներ Ժենան Բաոն ասել  է, որ իր աշխատանքը բավական ոգևորիչ է, քանի որ այն կարող է հեղափոխություն իրականացնել պրոթեզավորման կարիք ունեցողների կյանքում։

Մասնագետները նշում են, որ նման մաշկով պատելով սովորական պրոթեզները՝ հնարավորություն կտան ձեռքերից կամ ոտքերից զրկված մարդկանց կրկին զգալ այն, ինչ զգում է մաշկը։

Հաղորդիչները տեղեկությունն էլեկտրական ազդանշաններով հաղորդում են այն կրողի ուղեղին, որը կրկին նորագույն տեխնոլոգիաների ձեռքբերումներից է։ 

Գիտնականը նշել է, որ իրենք դեռ աշխատում են արհեստական մաշկի վրա և վերջնական տարբերակը ստանալու համար դեռ բավական ուսումնասիրություններ պետք է իրականացվեն։