Գիտնականները ստացել են 2 պարուրաձև գալակտիկաների միաձուլման կադրը (լուսանկար)

10:02 • 12.12.14

ԱՄՆ-ի ազգային օդատիեզերական գործակալության` ՆԱՍԱ-ի մասնագետները Chandra X-ray Observatory հեռադիտակի շնորհիվ ստացել են 2 պարուրաձև գալակտիկաների միաձուլումը ներկայացնող ամենագեղեցիկ ու տպավորիչ լուսանկարներից մեկը:

Ինչպես նշում է korrespondent.net-ը, լուսանկարում պատկերված է NGC 2207 և IC 2163 գալակտիկաների միաձուլումը:

Դրանք 2-ն էլ մեր մոլորակից գտնվում են մոտավորապես 130 մլն լուսային տարի հեռավորության վրա: Այդ գալակտիկաներն իրենց մեջ պարունակում են բազմաթիվ աստղեր, ինչպես նաև հզոր ռենտգենային ճառագայթում ունեցող երկնային մարմիններ:

Ուսումնասիրելով NGC 2207 և IC 2163 գալակտիկները` մասնագետները հանգել են այն եզրակացությանը, որ դրանցում սկսվել է աստղերի առաջացման ակտիվ գործընթաց:

Астрофизики показали первые снимки слияния двух спиральных галактик