Rapoo-ն անլար մկնիկի և ստեղնաշարի նոր ջրակայուն կոմպլեկտ է արտադրել (լուսանկարներ)

14:16 • 12.12.14

Չինական Rapoo ընկերության համակարգչային նոր ստեղնաշարն ու մկնիկը, հատկապես կուրախացնի այն օգտատերերին, ովքեր սիրում են թեյ կամ սուրճ ըմպել համակարգչով աշխատելիս, քանի որ այլևս կարիք չկա անհանգստանալու, որ կարող է հեղուկ թափվել սարքերի վրա և փչացնել դրանք, գրում է 3dnews.ru-ն։

Rapoo Wireless Optical Keyboard Combo 8000 կոչվող կոմպլեկտը ԱՄՆ-ում կարելի է ձեռք բերել 20 դոլարով։

Սարքերը աշխատում են նույնիսկ մինչև 80 և ավելի խոնավության պայմաններում։

Rapoo ընկերությունը, որը բավական համարձակ գաղափարներ է իրականացնում, ըստ մասնագետների կանխատեսումների, 2016-ին դուրս կգա համաշխարհային շուկա և կմրցի համակարգչային աքսեսուարներ արտադրող այնպիսի հսկաների հետ, ինչպիսիք են Genius-ը կամ Logitech-ը։